Karaj ŝatantoj de agrablaj renkontiĝoj!

Kien iri somere?

Ni proponas SOMERE 2a Somera Mezeŭropa Renkontiĝo. Ĉi-jare en la mezmontara regiono Eifel, 40 kilometrojn sudokcidente de Bonn.

Ni trovis domon kun ĉarma ĝardeno en Kall-Krekel, sudoriente de Akeno (inter Schleiden kaj Blankenheim). La domo situas en bela ĉirkauaĵo kaj relative proksimas al la landoj, el kiuj venis la plimulto de la pasintjaraj eksterlandaj partoprenantoj - Nederlando, Belgio, Francio kaj Luksemburgio estas apudaj kaj ni sekve esperas, ke denove estos bele internacia renkontiĝo kun infanoj.

Pasintjare entute estis 34 homoj, inter kiuj 14 eksterlandanoj kaj 10 infanoj. Por la ĉi-jara SOMERE ni jam povis kolekti 8 aliĝintojn, el kiuj unu komentis: "Mi ĝojas, ke vi denove sukcesis oferti la lastjare tiom agrablan renkontiĝon." La retaj informoj kun bildoj kaj aliĝilo troviĝas ĉe http://www.EsperantoLand.org/somere.

Naturo kaj kulturo

La programa skemo estos simila al la pasinta jaro:

Tranoktado en ĉambroj aŭ tendoj

Ankaŭ la aranĝo pri tranoktado kaj manĝoj estos simila al la pasinta SOMERE:

Vi povos elekti, ĉu loĝi en la domo aŭ en tendo, ĉu manĝi grupe aŭ mem zorgi pri viaj manĝoj. Kompreneble via familio ankaŭ povos dividiĝi - eble viaj infanoj entuziasmos pri tendo kaj vi malpli ...

Por familioj, unuopuloj - kaj aliaj

La aĝogamo estos same vasta kiel pasintjare: de infanoj kaj dudekkelkjaruloj ĝis sepdekjaruloj.

Lerni Esperanton kaj tuj apliki

Ankaŭ ĉi-jare ni ofertos intensan kurson en la unuaj tagoj por ebligi la partoprenon al komencantoj kaj progresantoj. Ĉi-foje ĝi okazos de lundo, 26a de julio, ĝis vendredo, 30a. Tiel eblos kiel pasintjare en unu sama aranĝo rapide eklerni kaj tuj poste praktiki la lingvon en internacia medio.

Neniu aliĝkotizo ĝis la fino de majo

Kaze de malaliĝo ĝis la fino de majo vi devos pagi neniom. Ni tamen petas vin ĝiri la aliĝkotizon jam nun por certigi vian lokon; kaze de eventuala malaliĝo ni reĝiros la monon.

Memzorgado kaj tendumado

Se vi ŝatos, vi povos loĝi en tendo aŭ mem zorgi pri viaj manĝaĵoj - tio kostas multe malpli. Krome estas rabatoj por eksterlandanoj kaj programkontribuantoj (kaj por la donacantoj kaj kunlaborantoj de EsperantoLand).

Venu SOMERumi kun ni!

Ĉu vi interesiĝas? Bonvolu baldaŭ reagi ĉe

http://www.EsperantoLand.org/somere - la tempo ĝis aŭgusto estas mallonga kaj ni tre ĝojus rapide havi almenaŭ bazan liston de partoprenantoj. Plian bildon de la ĝardeno kun la domo fone vi povas vidi sur la renkontiĝo-mapoj de EsperantoLand ĉe http://www.esperantoland.org/renkontighoj/legrenkon.php?renid=390&R=13

Amike
Lu Wunsch-Rolshoven
EsperantoLand

Por la kreskigo de Esperantujo